Япон Улсын иргэд Монгол Улсын Засгийн газрын шийдвэрийн дагуу 2010 оны 4 дүгээр сараас эхлэн аялалын зорилгыг үл харгалзан Mонгол Улс руу 30 хоногийн дотор богино хугацаагаар визгүй зорчих бөгөөд харин 30-аас дээш хоногоор Монгол Улс руу урт хугацаагаар зорчих тохиолдолд виз мэдүүлэх шаардлагатай.

Гадаадын иргэн Монгол Улсад 30-аас дээш хоногоор урт хугацаатай виз мэдүүлэх: 

 

1. Уригч байгууллага, хувь хүн нь Монгол Улсын Гадаадын иргэн, харьяатын газарт хандаж, гадаадын иргэнд урт хугацаатай виз олгуулах хүсэлт тавьж, зохих ёсны “Визний зөвшөөрөл” гаргуулна. Зөвшөөрөл гармагц иргэнд 4 оронтой код өгөгдөх бөгөөд ЕКГ-т цахим хэлбэрээр уг зөвшөөрөл ирдэг. Иргэд 4 оронтой кодоо хэлж,  визийн зөвшөөрөл ирсэн эсэхийг лавласны үндсэн дээр визээ мэдүүлэх бөгөөд ГИХГ-аас ирсэн зөвшөөрөлд үндэслэн, дор дурдсан материалыг иж бүрэн бүрдүүлж ЕКГ-т ирсэн гадаадын иргэнд зохих ангиллын визийг ажлын 3 өдөрт багтаан олгоно.

 

Бүрдүүлэх материал:

- 6 сараас доошгүй хүчинтэй хугацаатай гадаад паспорт

- Гадаад паспортын хуулбар
- Виз мэдүүлэх анкет, 3,5 х 4,5 см хэмжээтэй 1 хувь цээж зураг наасан байх 

- Визний төлбөр төлсөн баримт

- Виз　олгогдсон паспортоо шуудангаар илгээхийг хүсвэл баталгаат шуудангийн дугтуйгаа үлдээх / Энэ тохиолдолд тус ЭСЯ паспорт бүхий дугтуй замдаа алга болсон тохиолдолд хариуцлага хүлээхгүй/

Гуравдагч орны иргэд Монгол Улсад зорчих жуулчны буюу K2 ангиллын 30 хүртэлх хоногийн хугацаатай виз мэдүүлэх:
 

Монгол Улсад визгүй зорчих улсын жагсаалт / хавсралт харах/ -ад багтаагүй орны иргэн виз мэдүүлнэ. Нэр бүхий зарим орны иргэн виз авахад төвөөс зөвшөөрөл авах шаардлага гардаг тул ердийнхөөс илүү их хугацаа орох нь бий. Энэ тухайд тус ЕКГ-аас урьдчилан лавлана уу.  

Бүрдүүлэх материал:

1. 6 сараас доошгүй хүчинтэй хугацаатай гадаад паспорт
2. Виз мэдүүлэх анкет 3,5 х 4,5 см хэмжээтэй 1 хувь цээж зураг наасан байх
3. Гадаад иргэний түр оршин суугчийн үнэмлэхний хуулбар                      

     (在留カード)

4. Уригч байгууллага эсвэл хувь хүний урилга, урилга байхгүй  

    тохиолдолд аялалын хөтөлбөр байж болно.   
    /Шаардлагатай тохиолдолд нэмэлт материал шаардана/

Тусгайлан авч үзэх тохиолдол:

 

Монгол Улсын харъяатаас гарсан гадаадын иргэнд F2, Монгол Улсын иргэнээс төрсөн гадаадын иргэнд F3 ангилалын 90 хүртэлх хоногийн Монгол Улс руу хувийн хэргээр зорчих визийг ЕКГ-т шууд мэдүүлэн авч болно.

 

Бүрдүүлэх материал:
- 6 сараас доошгүй хүчинтэй хугацаатай гадаад паспорт

- Гадаад паспортын хуулбар, хүүхэд бол төрсний гэрчилгээний хуулбарын хамт 
- Виз мэдүүлэх анкет, 3,5 х 4,5 см хэмжээтэй 1 хувь цээж зураг наасан байх

- Визийн хуудасны хураамж - 725 иен төлсөн төлбөрийн баримт

 

 

Ихэнх тохиолдолд нэг удаагийн виз олгодог.  Визийн төлбөр төлөхдөө ГИХГ-аас олгосон зөвшөөрөл дээр бичигдсэн орох ангилал /Single entry, Double entry. Multi entry гэх мэт/ төрлийг харгалзан холбогдох төлбөрийн үнийн дүнг  сайтар нягталж зөв шилжүүлэх шаардлагатай.

 

 

Визний материал хүлээн авах олгох цагийн хуваарь консулын бусад үйлчилгээний цагийн хуваариас ялгаатай болохыг анхаарна уу. Материалыг зөвхөн бүрэн гүйцэт бүрдүүлсэн үед хүлээн авна. Дутуу бүрдэлттэй материалыг  хүлээн авахгүй/

 

Материал хүлээн авах цаг:   9:00-12:00 цаг

Виз олгох цаг: 14:00-17:00 цаг  

 

/ Визийг материал хүлээн авах үед олгосон дугаар бүхий ялгах тэмдгээр олгоно.Виз хүлээн авагч паспорт дээр наасан визийн мэдээлэлээ сайтар шалгаж авна уу. /