ЕРӨНХИЙ КОНСУЛ А.ДЭЛГЭРМАА “КАНСАЙ МОНГОЛЫН НАЙРАМДЛЫН НИЙГЭМЛЭГ”-ИЙН АРГА ХЭМЖЭЭНД ОРОЛЦОВ.

Ерөнхий консул А.Дэлгэрмаа 2026 оны 9 дүгээр сарын 09-ний өдөр “Кансай Монголын найрамдлын нийгэмлэг”-ийн хүндэтгэлийн арга хэмжээнд оролцож, мэндчилгээ дэвшүүлэв. 
Ерөнхий консул А.Дэлгэрмаа Монгол Улс болон Кансай бүс хоорондын харилцаа, хамтын ажиллагаа улам өргөжин хөгжиж буйд сэтгэл хангалуун байна гээд эдийн засаг, орон нутаг хоорондын харилцаа, хүүхэд залуучуудын солилцоог өргөжүүлэх, соёл, боловсрол зэрэг өргөн хүрээний салбарт хамтын ажиллагааг гүнзгийрүүлэхэд “Кансай Монголын найрамдлын нийгэмлэг” идэвх санаачилгатай, тууштай ажиллаж, бодит хувь нэмэр оруулж буйг тэмдэглэж, талархал илэрхийлэв. 

Ирэх онд тохиох Монгол Улс, Япон Улсын хооронд Дипломат харилцаа тогтоосны 55 жилийн ойн хүрээнд манай хоёр улсын харилцааны “тулганы чулуу” болсон ард иргэдийн харилцан ойлголцол, найрамдал нөхөрлөл, орон нутаг хоорондын харилцаа хамтын ажиллагаа, хүүхэд залуучуудын солилцоог улам гүнзгийрүүлэн бэхжүүлэхийн төлөө нягт хамтран ажиллахын төлөө буйгаа тэмдэглэв. 
“Кансай Монголын найрамдлын нийгэмлэг” 1991 онд “Япон, Монголын соёл, эдийн засгийн харилцааны нийгэмлэг” нэртэйгээр анхлан байгуулагдсан бөгөөд 35 жилийн турш тасралтгүй Монгол Улстай харилцаа, хамтын ажиллагаа хөгжүүлж ирсэн. Тус нийгэмлэгийн Ерөнхийлөгчөөр Японы Төлөөлөгчдийн танхимын гишүүн асан Сато Акира ажиллаж байна. https://jma-k.org/katudou.html